طلبات من قوقل
بدون ما تدفع على كل نقرة.
إذا كل مبيعاتك من الإعلانات، يوم توقف الإعلان توقف المبيعات. SEO يبني لك مصدر ثاني.
مثال توضيحي
عميلك يبحث عن منتجك في قوقل. ويلقى منافسك.
ناس كثير يعرفون وش يبون قبل ما يشوفون أي إعلان. يكتبونه في قوقل ويشترون من أول متجر يطلع لهم. هذي طلبات جاهزة، وما تدفع عليها ولا ريال.
جرّبها الحين: اكتب أشهر منتج عندك في قوقل بالطريقة اللي يكتبها عميلك، مو باسم الماركة. إذا متجرك مو في الصفحة الأولى، هالطلبات رايحة لغيرك.
نخلي متجرك يطلع على الكلمات اللي يبحث فيها عميلك، ونقيس كم طلب جاب.
SEO ما يجيب نتيجة أول شهر. ولا أحد يقدر يوعدك بغير هذا.
الشهور الأولى تأسيس: نصلّح المتجر تقنياً، ونحسّن المنتجات والتصنيفات، ونبدأ المقالات. الطلبات من البحث تبدأ تبان بعدها، وتكبر مع الوقت. إذا تبي مبيعات هالأسبوع، هذي شغلة الإعلانات.
كل شهر، نفس الشغل، ويتراكم.
تدقيق تقني
السرعة، والفهرسة، والروابط المكسورة، والصفحات المكررة. اللي يمنع قوقل يشوف متجرك صح.
المنتجات والتصنيفات
عناوين وأوصاف مكتوبة على الكلمات اللي يبحث فيها عميلك، مو على اسم المنتج عندك.
مقالات كل شهر
مقالات ترد على أسئلة عملائك قبل الشراء، وتوديهم لمنتجاتك.
تقرير بالطلبات
نقيس الطلبات اللي جت من البحث، مو بس الترتيب في قوقل. الترتيب ما يدفع إيجار.
باقتين، والفرق حجم متجرك وكمية المحتوى.
| الأساسية | الموسّعة | |
|---|---|---|
| عدد المنتجات | حتى 50 منتج | حتى 100 منتج |
| مقالات بالشهر | 6 | 20 |
| تدقيق تقني | ✓ | ✓ |
| تحسين المنتجات والتصنيفات | ✓ | ✓ |
| تقرير شهري بالطلبات من البحث | ✓ | ✓ |
| السعر | يبدأ من1,500ريال / شهر | يبدأ من2,500ريال / شهر |
| اسأل عن الأساسية | اسأل عن الموسّعة |
الأسعار قبل الضريبة.
متى أشوف نتيجة من SEO؟
الشهور الأولى تأسيس. الطلبات من البحث تبدأ تبان بعدها، وتكبر مع الوقت. ما نوعد بنتيجة أول شهر.
وش الفرق بين الباقتين؟
الأساسية لحد 50 منتج و6 مقالات بالشهر بـ1,500 ريال. والموسّعة لحد 100 منتج و20 مقالة بالشهر بـ2,500 ريال. الأسعار قبل الضريبة.
تشتغلون على متاجر سلة وزد؟
إيه.
تقدرون تطلّعون متجري في ChatGPT وإجابات قوقل بالذكاء الاصطناعي؟
نكتب صفحات المنتجات والمقالات بأجوبة واضحة وبيانات منظّمة، وهذا اللي تعتمد عليه محركات الذكاء الاصطناعي لما تختار مصادرها. بس ما أحد يقدر يضمن الظهور فيها.